Vanesa Santanach

  • Vanesa Santanach pianoa 
  • Ania Rodríguez 

Vanesa Santanachek errepertorio tradizional eta berria esploratzen du, eta bere errezitaldietan egungo hizkuntzaren aberastasuna eta tradizioaren eta abangoardiaren arteko sinergia erakusten ditu.

Manresa eta Bartzelonako kontserbatorioetan egin zuen bere lanbide eta goi mailako heziketa, eta, ondoren, Londresko Goldsmiths College eta Royal College of Music-en, non Master of Music and Related Studies eta Master of Performance in Contemporary Piano egin zituen. Andrew Zolinsky, Jean-Pierre Dupuy, Suzanne Bradbury, Ramon Coll, Stephen Kovacevich eta Sergej Senkov irakasleak erabakigarriak izan dira hezkuntza musikal eta artistikorako. Era berean, eskertu egiten du Area de Creació Acústica, Fidelio Foundation, IRCAM eta Centro de Estudios Pianísticos erakundeetatik jasotako sari eta laguntzengatik.

Bere esperientzian zehar, barrokotik hasi eta gaur egun artekoa barne hartzen duen errepertorioa interpretatu du, bai piano solo errezitaldietan bai taldeetan, horien artean, Jove Ensemble ACA, Variable Geometry, Goldsmith Simphonia, Trio Velvet edo Portella-Santanach piano bikotea. Musika garaikidearekiko interesa dela-eta, dozenaka obra estreinatu ditu eta hainbat musikagilerekin kolaborazioak egin ditu, hala nola, Hafdís Bjarnadóttir, Vladimir Tarnopolski, Ivan Fedele, José Manuel López-López edo Santiago Díaz-Fischer-ekin. Alde horretatik, batez ere konpositorearekiko interakzioan du interesa, baita diziplinarteko proiektuetan parte hartzean ere.

Orkestra eta ganbera taldeetan aritu da errepertorio garaikidea interpretatuz, Nicholas Collon, Graham Ross, Armando Merino eta Pere Vicalet zuzendari gailenen gidaritzapean. Gaspar Aguiloren piano eta ganberarako obra integrala grabatu du Unió de Músics diskoetxearentzat.

Kontzertua, Musikagileak Musika Garaikidearen XII. Zirkuituarekin lankidetzan

Vanesa Santanach/
19:30
Jesús Guridi Musika Kontserbatorioa

Egitaraua

FaLang translation system by Faboba